Irgendwo im Nirgendwo,
ewäg vom Alltagstrott
Dert, wo’s heiss u troche isch,
begägnet dir di Gott
Grad dert, wo d’nümme flüchte chasch,
ke Schatte wyt u breit
Chunt är u seit: „Gib mir di Lascht,
mach di für mi bereit“.
Är het di i di Wüeschti gfüehrt,
är hett nümm chönne gseh
Di Schmärz het drum sys Härz berüehrt,
das tuet ihm drum o weh
Wüu är di liebt u ds Beschte wott,
find’t är: ‚Itz isch es Zyt
Dass d’frei wirsch vo dim alte Trott,
wüus Bessers für di gitt‘.
Es Läbe, frei vo Religion,
vo Macht u Zwängerei
Är isch dr Töpfer, du dr Ton,
du bisch nid vogelfrei
Ke Spielball vo de Mächtige,
nid ds Opfer vom System
Bisch ds Ching vo däm Allmächtige,
wo d’sicher bisch bi ihm.
Ja, so isch Gott! Är isch für di,
är isch geng für di da
Drum het är o sys Läbe gla,
am Chrütz vo Golgatha
We du ihm begägne tuesch,
gsesch ds Lüchte uf sim Gsicht
De bisch du glücklich, froh u frei,
wüu d Sunne dürebricht.
Erlöst vo auer Schuld u Plag,
befreit us auer Not
Chasch gseh, är isch geng bi dir gsy,
so steits o i sim Wort
Im Irgendwo chasch de erchenne,
was no so aus cha stärbe
So wird di Wüeschti-Zyt für di
e grosse Säge wärde.
Marianne Ingold, Schweiz
Nach einem Text von Frank Krause (Hirtenherz)
